“Zot larzan in intérès’ amoin, mé zot mêm, mi vé pa voir azot”. Ala, grosomodo, lo nouvo réklame la pliblisité bann Bankié. Partou zanployié i disparé é, dann lo mêm tan, mashine otomatik i miltipli konm ti pin. Bonzour limanité !
Zot i finans se soidizan progré é èk lo bénèf zot i fé si nout larzan. Rotromandi, sé ankor nou i pèy pou artrouv anou antrènn batay èk in mashine soidizan otomatik !!
Alèrk i va, lo kapital lo pli présié, parske pli rar, sora la shalèr dann lo rolasion èk nout bank. Mé alé pa di sa bann bankié, zot lé ankor kapab mèt shalèr-la dann in mashine et distribié anou sa au kontgoute. An pèyan ...bien sir !!!

Justin