Samdi moin la rakont azot in truk lété valab kan demoun mon zénérasyon lété ankor pti-dizon jenn. Kan l’amizman té plis dann la tète ké lo sèryé é ékout son paran lété konm in dézyèm piroté dan la tète bann marmaye. Astèr la pa arienk in n’afèr banklosh épi d’pèsh kaval. Boudikont sé in règlomann vi. Lé pli valab fé in bon n’afèr ké kass kékshoz an dé konm in mayi kass-an-dé. Lé pli valab fèr lé shoz konm k’i fo plito plito ké n’inport koman. La pa konmsa i mète safran dann brède mouronm ? La pa konmsa k’i suiv pal o règloman épi zapré lé shoz la paf é konm k’i fo. Mi lèss azot rofléshi la dsi é ni artrouv pli d’van sipétadyé. Alé ! Mi kite azot rofléshi la dsi é ni artrouv pli d’van. Sipétadyé !