Mi ansouvien, na in bon koup de tan, l’Egypt èk Israël la lèv la guèr. Plitô, bann zézipsien la fouy in tinnèl déssou kanal dé Sièz pou z’ot bann solda alé l’ot koté dann in téritoir bann z’israélien lavé karsèr a tor. Donk la lèv la guèr déssi lo téritoir bann l’Egyptien.

Lavé in ministr gouvèrnman fransé té i apèl Michel Jaubert. Kan bann zournalist la domann ali kossa li nana pou di déssi « l’aggression » bann l’Egiptien, li la fé pou répons : « Est-ce un crime de rentrer chez soi ? ». Sa té in bon répons akoz bann l’Egiptien lété vréman shé zot.

Zordi, La Rénion, néna in minis komor. Alor, in zournalist i domann pou kossa son gouvèrnman i vé pa resoir bann komorien lé an sitiassion ilégal dann Mayotte, kan la Frans i mète banna déor. Lo boug la fé pou répons : in komorien i pé pa ète an sitiassion ilégal Mayotte akoz sa in bout son tèr... Zournalis, figuir la assiz.
Poitan, si lo minis la Frans lavé rézon dann tan, gouvèrnman komor la rézon zordi, li ossi. Biensir, lé pa défandi rant dann son prop kaz ! dann son prop péi. Fransh vérité : Mayotte, sa in péi komor.

Justin