Oté

« Bann dan, sa lé bien kamarad rant zot ! »

In kozman pou la rout

Justin / 25 mé 2020

JPEG - 43.6 ko

Mésyé, Médam, La Sosyété koz èk moin sé koz èk in kouyon mé sé o pyé d’lo mir k’i oi lo bon mason. Mé zami, ni kontinyé nout bate – karé dann l’Afrik an provèrb. Zordi ni sava dann l’Etiopi, in gran péi lé dann santrèst lo kontinan afrikin é avèk plis présizyon dann péi Galla – péi épi lang sa i sava ansanm. Kosa li vé dir d’apré zot ? li vé dir sinploman la famille lé uni, konm lo bann dan dan la boush. Zot i koné bann dan shakin suivan son kalité néna son rol pou zoué : zinsiziv i koup, kanine i déshir, prémolèr avèk molèr i kraz. La famiy, sa lé parèye avèk shak manm son rol pou zoué. Alé ! Mi kite azot roflésh la dsi é mi lèss azot lo soin pou oir si lé vré san-pour-san sansa par bout. Ni artrouv pli d’van. Sipétadyé.