Pou in gayar fète sé in gayar fète ! La fète léspor, la fète la kiltir, la fète lamitié... Sa lé importan sa : Tousa bann zènn i artrouv ansanm-avèk pou fé léspor. Tousa bann zènn, i sort bann z’il loséan indien i rankontr bann zènn Madagascar, dann Tananarive. Épi, tousa dmoun paré pou rosoir azot, pou fé la fète ansanm zot.

Pou nou Rénioné, mé galman pou bann Séséloi, bann Morisien, nout bann kouzin, ni sava dann in péi ousa in bon pé nout vié zansète i sort. Sa nou lé forsé maziné, kan ni poz nout pié la-ba ! Pou demoun i sort z’il komor, Madagascar sa sé voizin, sa sé zami !

In fète konm sa, la pa fé an in zour é toute lo moun la travay pou sa na lo droi nout rokonésans. Bann radio avèk bann télé nora dï fé lo kont èk sa, lo kont zot i mérite... Kossa RFO la fé ? Kossa Antenne Réunion la fé ? Près arien. Konmsi, so bann jeu-la lavé poin la valèr ! Konmsi demoun loséan indien i kont pou la po patat.

Justin