Mézami, mwin lé pliské sir zot l’apré di :justin i gaskone li la ! In vré gaskonèr mi di azot. Poitanmèm si mi plézant mwin lé sèryé. Pou kosa mi di sa ? Pars lékonomi konm zot i koné sa lé mon dyalizé é konm li lé mondyalizé néna sak i pans tout marshandiz i doizète protéjé. A sipozé dann mon zardin néné pyé èrbaz pou fé la tizane é an parmi so bann zèrbaz néné in zèrb i pèrmète vanj kont la kovid. Mwin k’lé koyon konm la line do mars lé ron, mi dépoz pa brové, mi kontant amwin sé mon tizane épi donn sa inn-dé-troi moun mi koné. Ariv in kapitalis k’i domann li ossi la tizane é a sipozé ké tizane-la i fé d’bien dann in ka d’maladi, mi oi li tré bien apré pran tout ransègnman dsi mon plantaz, pib liye sa dann in ro vi syantifik, péyé pou gingn lo brové épizapré mi oi li tré bien arvann amwin lo tizane i sort sh moin an zélil, an siro, an poud é koatéra é koatéra ! An-o mi parl glass mé sa i doizète in zé d’zanfan pou in kapitakis patanté. Alé ! ni rotrouv pli d’van. Sipétadyé.

(Nb Avèk lo réshofman kimatik, mi doutt pa ké sa i pé arivé.)