Oté

« Bann madam, obliy pa, sa i manz pa fouraz »

In kozman pou la rout

Justin / 22 zwin 2019

JPEG - 43.6 ko

Vitman, vitman mi di azot sa in provèrb la Guadeloupe. Alors si zot lé pa kontan zot na ka pran konstan é sirtou pa bézoin fé kyink-kyink dovan mon port. Pou kosa mi di sa ? Pars sinploman, moin la pèr in pé i difiz amoin konm in séksis ashové. Romark moin noré pi trouv pir k’sa : par égzanp dann la trilozi Marius, César, Fanny, le l’otèr, in moun konu - Marcel Pagnol li té i apèl - téi di konmsa : « Bann blouz de nuite na poin posh ». Dizon dann lo promyé provèrb sa i vé di, si ou na poin larzan, sèye gagné sansa out madam lé riskab baré. Dann kozman Mésyé Pagnol i di sinploman : si ou i gingn pa asumé out madam lé kapab baré galman. Mi pans lé dé lé pli pir inn ké l’ot mé lé dé lé vré. Alé ! Mi kite azot rofléshi la dsi é ni artrouv pli d’van. Sipétdyé !