Mi souvien kan moin lété l’ékol, nou l’avé in profésèr filozofi, téi yèm poz anou bann problèm l’avé poin tro lo sans po nou. Donk in zour li la donn anou in dovoir pou fèr lété k’i tourn dsi problèm lé marké an-o-la. Konm dabitide té i fo réponn dann troi morso : inn li lé plis pou vréman, dé li lé moins, troi tazantan li pé z’ète plis, tazantan li pé z’ète moins avèk in l’introdiksyon pou komansé épi in konklizyon pou fini-lo dé morso lo pli prinsipal... Mi doi dir azot, in bon koup de tan, son dévoir la kass nout somèye par raport, dann tan-la nou lété blé dsi bann problèm konmsa-la. Sirtou ké lo boug la di anou son késtyon sé in késtyon égzistansyèl. Kosa nou la ékri ozis ? Sak in jenn nout l’az té i pé ékri dann tan. Donk mi invite azot rofléshi la dsi é ni artrouv pli d’van. Sipétadyé.