Sé lo Figaro i di sa. Dawar sé bann loi 2003 la fé arkil bann domann droi d’azil, sinonsa sirtou bann pandi dann sant-détansion po bann sanpapié. Antouka, koman nout kèr i glas pa kank n’i antan in zèn vinn-dé zan la pann ali. Porézon li vé pa rant dan son péi la mizèr, son péi la gèr. La Frans, tèr d’azil ? lé vré sa ?

Oté, sa bann demoun, nana lo droi. Sa bann demoun, nout frèr, sèr, nout ran. Là, kank nou koné tout sa Sarko i vé fé, nou dézéspèr po bann sanpapié. na bo parèn azot, na bo protèz azot, na bo anpèsh zot expilsion, na bo sobat kont lo rasism la po énèt kont bann sanpapié, nana ankor in takon zafèr po fé po èd azot.

Alon mèt la min ansanm, alon tienbo lanspèk po galiz zot lavnir. anou ansanm ?

Justin