Dabor banna sé in pèp kréol konm nou : zot zansète la konète lésklavaz konm noute zansète la konète sa galman. Zot lété zangazé konm in bonpé d’moune shé nou — pa nou diréktoman mé noute zansète. Aprésa sé demoune té blizé kite zot péi par la maliss, la méshansté, légoîsm dë grann puissans, inn sé l’Anglétèr, l’ote sé l’Amérik (bann z’usa).

An fète ni koné anou é ni frékante anou dopi l’ané 1989 é avèk lo tan nou la miltipliye bann zakssyon la solidarité é nou la fé sak ni pé pou ède azot a rotourn dann zot péi, épi pou ésplike demoune La Rényon dann kèl traka zot la passé. Dopi sinkantan.

Astèr pou kossa zot i vien oir anou dann la somenn kréol pars sa lé inportanpou ranfors l’amityé épi la solidarité rantre nou. Lé normal in zour ou l’ote nou téi doi rotrouv anou dann in somenn kréol.

Astèr sak mi pé dir azot, alon bien profite la prézanss banna shé nou pou nou konète azot, pou apréssyé azot é pou ké ni pran labitide frékante lé z’inn é lé zot, mèm kan zot sar fine rotourn dann Chagos.

A bon antandèr salu !

Justin