Mézami zot i koné l’moune kissoi dann famiye, dann kan sansa dann voizinaz,in pé néna lantante, in pé i antan pa é kan zot i antan pa zot néna tandanss pou dispité, mèm bataye parfoi. Dann in ka konmsa i di lo kozman mwin la marke an-o la.

I pouré dir i antan konm lo shien avèk lo shate é sré la mèm shoz ké mon kozman . Pars i di touzour lo shien avèk lo shate i antan pa.

Pa toultan, mi pé dir azot pars in zour mwin la vi in fémèl shien apré done tété son bann pti mé galman bann pti shate la momon l’avé gingn in mové kou é l’avé koté d’tanto.Mwin noré tandanss a dir dann sète afèr-la la poinn fatalité : in shate i pé antann avèk in shien, in shien i pé antann avèk in shate.sansalé dé i passlo tan a bataye.

Mi kite azot rofléshir la dsi é ni rotrouv pli dvan, sipétadyé.