Mé mwin lé sir sé pa sak lo kozman i vé dir. Bin alor kossa li vé dir ? Sa sré pa in n’afèr d’ménaz sa ? Pars zot i koné lo marmite konm lo pilon sa i zoué in rol prinssipal dann ménaz. Dayèr mwin la lir ossi kékpar « la shavir pilon ». Sa i doizète la mèm shoz osinonsa aproshan. Par kont bril pilon sa i vé dir in n’ote afèr mé nou va rotrouv sa pli dvan.

Pou Daniel Honoré sa i vé dir la kité sinploman. Donk i fé pi kuir manzé, donk i pil pi zépiss ansanm pars in n’ote koté sa lé bien nésséssèr.

Alé ! Mi kite azot rofléshir la dsi é ni retrouv sipétadyé.

Justin