Oté

« Banzo in kord »

In kozman pou la rout

Justin / 21 févrié 2018

JPEG - 43.6 ko

I di osi mandoline in kord. Té koi sa ozis ? Lété in sharète in brankar avèk plizyèr kondané dsi la gosh épi dsi la droite lo brankar. In gard shoum téi sirvèye l’opérasyon. Kèl l’opérasyon ? Sin-dni lontan l’av é tinete dann kabiné épi in foi par somenn sharète in brankar téi ariv pou dégaj lo tinète. L’èrla bann kondané téi trap tinete plin épi téi mète in vid a la plas. Lo kaka téi i sèrv pou fé l’angré natirèl pa tro loi lo kap Bernar. Apré banzo in kord, la pran kamion épi téi mète in tinette par kazyé. Mé z’ami, mi pé dir azot sa téi pi mové. Kan kamion kaka téi pass, avan l’èr vnir in pé réspirab téi falé atann lo tan. Alé ! Mi lèss azot rofléshi la dsi é ni artrouv pli d’van sipétadyé.