Médame, zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami si mi di azot léstoma lé barbouyé mwin lé sir zot i koné kossa sa i vé dir dan lé zapépré. Lé sir mi sava pa domande azot rouv in liv médsin pou ésplik zot ka Si zot i di , par ébzanp néna in romonté an piman sèk, sansa in kouran amèr, sansa ankor doulèr dann pyé d’kèr, lé sir mi koné koman zot i lé dsu lo poinnvizé d’léstoma.

Mi pouré mèm konsèye azot in tizane granmèr konm boir layapana an tizane sansa mète a fizé, osinonsa in tizane la rouroute, épi d’ot shoz ankor pars néna in ta avèk in paké tizane sinp pou songn léstoma. Mé mi sava pa fé lo tizanèr gro-doi avèk zot k’i koné sirman pliss ké mwin dsu lo shapite.

Alor, fé konm zot i vé, soign si zot i vé, passyante va passé, tir in fèye pou alé oir médsin.Antouléka aplike la solissyon i konvien azot pou lo myé é nou va rotrouv pli d’van.

Sipétadyé.