Médame, méssyé, la sossyété, koze èk mwin sé koze èk in kouyon, mé sé o pyé lo mir k’i oi lo masson.

Mézami si wi vé fé in travaye éfikass, i fo ou néna in bon zoutiye pars si ou na poin é bin outetravaye sar aboli avan komanssé. Défoi mèm sar inpossib aou d’travaye avèk in zoutiye la pa apropriyé konm in boushon d’paye pou anbare la mèr. Mé la pa pars in zouvriyé i s’palinde la kalité son zoutiye, la pa pou sa, i fo ékoute ali, pars toulmoun i koné : « Mové zouvriyé, mové zoutiye ! ». In mové zouvriyé va touzour trouv in bone éskiz : mon gran kouto i koupe pa ! Mon rabo lé ziss bon ou rap e bère dou. Ziska kin bo zour, la vérité i éklate é sé lo zouvriyé k’lé mové, alor kli mète l’otère dsi son zoutiye.

Alé ! Mi kite azot rofléshi la dsi é ni rotrouv pli d’van. Sipétadyé.