Mézami kan wi vé fé késhoz normal wi mète lé moiyin pars san moiyin na poinn rézilta é zistoman demoune i s’anplègn i mète pa lo moiyin k’i fo pou trape in bon rézilta… Kan wi suiv in pé laktyalité, souvan défoi wi antan sète afèr d’moiyin insifizan.

Si wi vé blok la mèr, protèze bann mézon Sin-Lui avèk dé-troi sassé la sab, lé tré possib wi pé pa ariv in bon rézilta. Si wi fé in dig, lé possib wi nyabou protèz bann mézon. Mé la sé in problèm réshofman klimatik é pèrsone i koné pa si néna moiyin lite konte sa. Sansa si ni sèye pa fèr fass avèk in bouchon d’paye konm i di.

Alé ! mi kite azot rofléshi la dsi é ni artrouv pli d’van, sipétadyé.

Justin