Mézami, dann tan, si mi rapèl bien, bande jenn téi yèm promene in pé, fiye épi garsson mélanzé. Téi tourn é rotourn koté la kaz famiye an kozan é sa téi éspass lo dimansh aprémidi. Lo voiyaz si mi konpran bien l’avé poin d’ote bi ké lo voiyaz li mèm épi lo plézir d’ète an parmi lé zami-é-konéssanss.

Mi ékri sa mé mi diré té si tèlman inossan ké demoune koméla i diré fèr in n’afèr konmsa lé ziss bon pou demoune i sorte déyèr solèye kaziman la pankor déssalé. Mé lo tan lontan lété konmsa é ni koné pa si tan-la lé pa kapab rotourn in zour. Lo tan sé in pèrpétyèl rokomansman.

An atandan mi kite azot rofléshir la dsi é ni artrouv pli d’van, sipétadyé.

Justin