Mézami, mi koné pa si zot i rapèl ankor kan demoune Sin-Lé téi bate la mèr avèk in baton pou rabate poisson dann tramaye. Sa i romonte dan l’tan pou mwin, mé mi ansouvien d’sa konm d’in fète. Sak mi rapèl sé lo partaz rante toute bande partissipan, partaz ékitab. Mé noré pa falu in partissipan i gingn pa son par, pars dann in ka konmsa mi oi bien dézord pété.

Sa i fé panss amwin in fab La Fontaine : ladan néna in sinz épi in sha é lé dë i mate in kou pou alé vol maron dann fë mé si inn i tir, l’ote i manz é lé dë konpèr lé paré pou fé la guèr pou in n’afèr konmsa.

Alé ! Mi kite azot rofléshi la dsu é ni artrouv plu d’van. Sipétadyé.

Justin