Médame, méssyé, la Sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami bate la mèr sé voiyaz in bonpé é voiyaz loin mé zot i koné bate dolo sé galman bate la mèr avèk in baton anparmi in bon pé d’moune avèk pou trape poisson dann tramaye é si pou finir wi trape tré pé d’poisson, ou lé mal avanssé. Ou lé bon pou tire lo dyab par la ké é ou toussèl i koné oute mizère. Mézami lo tan mi di azot la, bande péshèr téi bate dolo dann réssif pou trape poisson é d’apré sak mi rapèl la par shak batère lété faye. Koméla dizon lé ankor konmsa é bonpé d’moune i sèye bouzé pou gingn zot pourkoi é malorozman zot lé pa souvan o dovan d’zot zafèr-bonpé i kontinyé bate la mèr pou trape lékime.

Alé ! Mi kite azot rofléshi la dsi é ni artrouv pli d’van. Sipétadyé.