In kozman pou la rout

« Bato lam razoir la koulé ? »

18 novanm 2019, sanm Justin

Médam, Mésyé, la Sosyété koz èk moin sé koz èk in kouyon-sé o pyé d’lo mir k’i oi lo mason. Kozman-la sa kékshoz i égzis dopi lontan. Sirman dopi lam razoir l’ariv La Rényon é la pa bézoin dir azot sa sé in kasaz lé kui. Téi di sa, dann tan kan téi trouv in boug l’avé barb sansa moustas épi li téi raz pa. Koméla pétète i di ankor mé konm néna in bonpé bann boug i port barb avèk moustas lé posib si in moun i plézant konmsa son plézantri lé riskab pass par koté. Mé la pa pou sa ké lo kréol v’arète kass lé kui, li va trouv d’ot poin, d’ot kozman é li va kontinyé kass lo bob toultan ké La Rényon sar La Rényon. Mé antansyon, in kasèr lé kui, i ariv li yèm pa k’i kas ali lé kui. Alor, fé pa lé zot sak ou i yèm pa k’i fé aou. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus