Oté

« Baz dsi lé z ‘ot kan tout i roul ron, sansa baz dsi ou mèm »

In kozman pou la rout

Justin / 22 séptanm 2020

JPEG - 43.6 ko

Médam zé Mésyé, la sosyété, mi koné in provèrb shinoi i di a popré lo mèm zafèr sof i di aou baz dsi out famiy si la sityasion lé sèryé. Mi koné in moun i di konmsa : « Si ou la pa bézoin larzan la bank i pé anprète aou, si ou la bézoin mi dout ». Mi koné galman in kozman i di konmsa prète pa larzan avèk in zami, pars ou lé riskab pèrd é out zami, é out larzan. Mé fransh vérité, mi trouv bann kozman-la lé in pé sinik pars fransh vérité si ou la bézoin i ède aou, koué d’myé ké kont dsi in vré zami, épi dsi out famiy. Normalman sé lo bann bon port pou alé kogné. Mé nou lé dann in sosyété tout zafèr i marsh pa normalman alor sé pou sa ké bann sinik néna si tèlman souvan la parol. Alé ! Mi kite azot pou rofléshi la dsi é ni artrouv pli d’van. Sipétadyé.