Mézami, ala ankor in proverb l’afrik k’I pé intérèss anou. Kan i di sak lé marké an-o la, ni pé mazine sé in n’afèr normal, kaziman banal. Bèf I koné azot é pou bien amontr zot lé kamarad zot I lèsh inn-a-l’ot. Néna in bonpé zanimo I fé konmsa, sinploman pou oir si sé in zanimo lé dann son klan, sansa si li lé pa-si li lé dann out klan, bienvéni ! Si ou li lé pa antansyon, ou i pé fé atak aou la. Astèr kan in moun i di sa avèk ou, la plipar d’tan la pa pou konplimant aou mé plito pou fé konprann i sifi avèk bann tro gran familyarité sirtou si ou lé étranj. I vé pa dir va shoké toutsuit pou toutsuit, mé plito i vé dir avans dousman, fé konprann ou néna bone zintansyon. Apré va oir.. . Alé ! Mi invite azot bien rofléshi dsi kozman-la é ni rotrouv pli d’van. Sipétadyé.