Pou kossa ? Pars bèf néna in landroi lé sansib, sé lo fèr i pass dann son né. Band-zansien té di konmsa si wi trape bèf par landroi-la, vitman-vitaman wi ramène ali a la rézon. Pars opliss li pouss é li sèye kraze aou, opliss lo fèr dann né i fé mal ali ziskatan li larg lo kor, épi li lèss aou trankil.

Avèk inn bone pongn wi domine lo pli gro bèf néna.

Astèr kossa néna a oir avèk la lang demoune ? Sinploman pou arvni dsi listoir Esope la lang sé lo méyèr zafèr ké néna, mé galman lo pli mové. Avèk la lang wi vande in pèp mé par la lang wi pé fé trape aou. Anval in mo sé garde in n’ami, mé in mo an tro wi père ali pou touzour.

Alé ! Mi kite azot rofléshi la dsi é ni artrouv pli d’van. Sipétadyé.

Justin