Oté

« Bèf i travaye, shoval i atann la guèr »

in kozman pou la rout

Justin / 30 novanm 2018

JPEG - 43.6 ko

Ala in drol kozman pou vréman. Li mète an sène bèf avèk shoval. Zot i koné lé dé té i zoué pa mèm rol é mèm koméla zot na poin mèm rol. Dizon, an gro, bèf téi fé plito bann travaye de fors é shoval plito dé shoz pou mète ali an valèr. Si tèlman ké shoval té plito bien trété bèf demoun i domann ali bokou… Moin la antann kozman la lo zour in madam té apré di son bèl fiy i trime pou gingn soso son ménaz son garson i kontant ali son sédik pars konm i di li yèm pa tro forsé. L’èrla in madam la di kozman moin la mark an-o la. Sak i vé dir dann la sosyété néna in pé i fors in bonpé épi d’ot moins. Alé ! Mi kite azot rofléshi la dsi é ni artrouv pli d’van. Sipétadyé !