Kan ou la fain, wi manz.Kan ou la soif wi boir. Kan ou la bézoin zoué, wi zoué. Boudikonte toute sak i fé énète in bézwin dan ou, i apèl in réakssion adapté avèk lo bézoin. Kékpar nou lé pa tro loin bann zanimo k’i azi par bézwin osinonsa par nésséssité.

Arzoute ankor sak ni fé par anvi é kan l’anvi lé for, ni fé kékshoz i korésponn avèk in réponss par rapor noute l’anvi. Mé si lo bézwin konm l’anvi lé pa la, ni pé pa réponn par lo mèm zèst ni fé kan l’anvi osinonsa lo bézwin lé la.

Dann tan l’avé bonpé bèf issi la Rényon é bann bèf téi ansèrv pou in bonpé rol dann bitassion konbien foi nou la antann demoune apré dir zot bèf i vé pa manzé, zot bèf i vé pa boir, si tèlman zot na pwin d’ote solission ké réponn par la britalité par rapor in bézwin zot bèf l’avé pwin. Sé dir galman néna dé foi lé shoz i éspass mal é lo pov szanimo i ariv a tonb dsi son pate é i rolèv pa.

Alé ! Mi invite azot bien rofléshir in sityassion konmsa é aporte in réponss bien apropriyé .Ni retrouv pli dvan, sipétadyé.

Justin