Médame zé Méssyé, la sosyété, koze avè mwin sé koze èk in kouyon, mé sé o pyé d’lo mir k’i wa lo masson.

Mézami kan in zanimo néna plizyèr propriétèr lé pa sir li sar bien okipé : inn va konte dsi l’ot, l’ot vakonte dsi in ot, é boudikonte bèf l pé mor, pars in zour li pé gingn plizyèr foi manzé avèk dolo, épi d’ote zour arien ditou ziskatan. Mé mwin la pa bézoin fé in déssin. Si ni obliye bèf ni oi dann d’ote ka lé konmsa galman...

Mé ni pé di sa lé vré sof si néna in bon lorganizassion, avèk in résponsabilté pou shakinn, avèk in tour d’garde si i fo é malorozman i fo ossi in sanksyon si shakinn i réspèkt pa son résponsabilité. Dann in sosyété bazé dsi lintéré individyèl sé sak i ariv souvan dé foi.

Alé ! Mi kite azot rofléshi la dsi é ni artrouv pli d’van. Sipétadyé.

Bèf plizyé mett mouri grangou-le bœuf qui a plusieurs maîtres mourra de faim : proverb Haïti.