Banna va dir : ankor linsinératèr ! Po kozé mi pèz pa laksélératèr. Sé la-k sé lé ratèr.
Demoun va fé kroir anou, sa in bon zafèr, komsa n’a gingn kamouf tout lo bann salté.

Afèr i okip pa bann fabrikan-sashé ? Akoz i mazine pa intèrdi tout bann sashé ? Si shakinn i arpran in tant vakoi, noré pi bézoin plastik po ral nout bann komision. Soman lé vré nout péi la rant dan gran konsomasion.

Afèr mèt in linsinératèr ? Nou pé pa mazine sa po nout péi, sirtou kan i koz prézèrvasion nout natir ! Ala sa la pèt konm AZF, n’a voir larlik po demoun èk nout bann foré, zanimo. Na d’ot fason trèt nout salté.
Déza, okip tout bann souyon i zèt zafèr déor. mé fé pa aval anou koulèv-là.

Justin