Oté

Bénéfis lo ra i fini dann vant koulèv

In kozman pou la rout

Justin / 26 octob 2017

JPEG - 43.6 ko

Mi koné pa si zot i koné koulèv. Pa bann ti koulèv grosèr lo pti doi konm i oi lo pli souvan koméla mé bèl bèl koulèv. In bon grosèr konm téi oi souvan dann tan lontan. Li lé bèl, li lé long é in ra i fé pa d’parad koté li. Kan li la fine aval lo bébète, li rès a dizéré in bon bout tan. Mé konm nou l’apré koz dsi in provèrb kosa ozis sa i é dir ? Na in provèrb fransé i di « in bien mal ginyé i profite pa ! ». I pé di osi, in bien mal gagné i tonm souvan dé foi dann mové min. Mé m’a dir azot kan ou i antann listoir dé-troi pèrsone, ou lé a d’mandé si nout kozman lé bien vré toultan. In moun té i apèl Proudhon té i di pa : « la propriyété sé lo vol » épi in vol bien améné i profite souvan dé foi lo volèr. Alé ! Mi lèss azot réfléshi la dsi é ni artrouv pli d’van sipétadyé.