Avan l’avé koulèv : pa in bonpé, mé rant rant téi oi inn-plito son po d’roshanj. Zordi galman mi pans néna kisoi dann bann vyé mir, kisoi dann trou galé, kisoi in pé ninport ousa. Koulèv-la sa i manz in bonpé béstyol : lo ra miské, souri, gronouy sansa pti krapo. Donk, si ni kroi nout kozman, lo béstyol i grosi, i grasi é boudikont momandoné sé lo koulèv k’i profite tousala kan i manz ali. Mé ki di provèrb, di sans prop épi san figiré : sans prop ni antrovoi, mé sans figiré ? Mi pans dsi la tèr néna l’anptrofitèr lo gro konm lo pti. Lo gro i manz lo pti, lo gro l’anprofitèr i manj lo pti l’anprofitèr. Ala koman mi oi sa. Astèr mi kite azot rofléshi la dsi é ni artrouv pli d’van. Sipétadyé !