Méssyé, Médam, La Sossyété : koze èk moin sé koze èk in kouyon. Mé sé o pyé d’lo mir k’i oi lo masson.

Mi panss sa in kozman zot i koné dopi in bon koup de tan é d’apré sak mi koné néna dann tout lang kozman konmsa.
Kossa sa i vé dir oziss ? Sa i vé dir wi sava krétik demoun pou zot défo alé oir sé ou mèm néna lo plis gro défo. Dann la lang bann fransé i di pa : wi oi la paye néna dann zyé lo voizin, mé wi oi pa lo pyèss do boi néna dan la vote é sa lé bien vré.

Na poin lontan moin té invité shé d’moune é lo bann moune t’apré kass dosik dsi la boss sak té pa la… Konm mwin té pa shé moin, moin la pa di gran-shoz mé la pa lanvi téi mank amwin.

Alé ! Mi kite azot rofléshi la dsi é ni artrouv pli d’van sipétadyé.

Justin