Bann mexicain la mank rant an révolission. Zot i koné pou kossa ? Akoz mayï soso té plizanpli rar, épi plizanpli shèr. Lé ga, sa sé solman in komansman, akoz lé riskab ariv mové z’afèr : la mor d’moun, par million an plis. Akoz ?

Lé pa konpliké. Bann péï rish la finengaspiy lénèrzi fossile, sirtou pétrol. Zot i koné, zordi pétrol bon marshé, sa lé fini, sar pli rar k’korn lapin. Alor, zot i dévlop d’ot kalité lénèrzi pou tash moiyin ranplas in pé lénèrzi fossile. Zot i fé léthanol èk in ranplasann’ gasoil avèk mayï, lo blé, kane, luil. La demann bann produi-la va goumanté, donk, manzé va vni pli shèr akoz son rarté. Dann déssèrtin péï, demoun va mor an kantité : bann vié épi bann zanfan an premié, apré sar l’tour lé z’ot.
Bann péï mizèr, zot ossi i fé parèy. Éstèr, nou lé pi ditou dann dévlopman dirab. Kontrèr ! Ni arkomans fé bann bétiz ankor !

Oté ! Akoz pa mète an plas in bon lékilib rant tout kalité lénèrzi ? Akoz pa port antansion sak bann pèp la bézoin réèlman ? Akoz ni mète pa nou, sré t’i in foi mèm, dann “le juste milieu” ? In foi mèm, bann bèztabouèt !

Justin