Oté, moin lé loin dawar. Kinm an Frans, mi mazine demoun i rod in fason sir voiyazé. In létidiante téi sar aprann in métié, po avans dan la vi, lé korbizé, défalké, brilé. Par la kouyonis demoun. Dizon, bann zèn i rod kopié dési Pari.

Alala zot vi lé brilé. I sar rant la zol, si la pa fine rantré. Sa po fé réfléshi anou dési la sitiasion bann sité, banlié. Là ! travay na poin, lokipasion zèt defé ? Ekèl politik i fo niabou méné po èd la zénès, mèt ali dési lo bon somin ?

Mi poz kestion, san tro rod améné la solision. Là, tout la bannkandida i batay po rant Lélizé, kosa i fé ? Kosa i fé, sinon kozé, zis po batt la lang. Laba, Marsèy, inn fanm lé rant la vi la mor.

Justin