Dann prëmié tan la kolonizasion, té i doi pa, an prinsip, an aoir zésklav L’il Bourbon. Solman, bann moun téi sort Madégaskar ou sinonsa dann l’Inn la artrouv azot zésklav rant dë rësansman : 1672, bann famiy Lamboutique lété pa zésklav solman lané 1697 zot la fine vnï zésklav.
Zot propriétèr té i apèl Gilles Launay. I fo Rëmark, bononm-la té marié ansanm Anne Caze épï Anne Caze lété in fanm noir, malgash par son papa èk sa momon.

Kan Gilles Launay lé mor, son madam la vnï propriétèr tout bien, zot dë son mari lavé ; an parmi zot zésklav. Donkalor, son prop famiy la tonm son zésklav : son prop sèr Marguerite Caze, son bofrèr, Etienne Lamboutique, son bann nëvë épi son bann niès. Navé ankor son bann kouzin prop lété ossi son zésklav.

La kontïnïé in pë konm sa tout lë tan lésklavaj la dïré. Téi rëgard pa tro la koulèr pou afranshi bann zésklav. Alor, dann mem famy in pë té lib, zot té “blan”, in pë té zésklav donkalor zot té “noir”. Na dé foi zésklav famiy.*

Nb : voir le grand livre d’histoire de La Réunion de Daniel Vaxelaire.

Justin