Si wi di « mwin la boir bouyon » sa i vé dir dann la soup ou la pa gingn sak lé bon épi nourissan konm léguime sansa konm la vyann, donk ou la gingn boir la soup solman é sa i soutien pa bien lo kor. Donk sé in éshèk pou ou si ou la fé k’boir d’lo é ou la pa bien manzé.

Astèr si wi di « boir bouyon avèk fourshète » la pi parèye pars lo bouyon i koul a travèr lo dan fourshète donk wi gingn pa trap arien é out ropa lé bien malfouti… Mi koné pa kossa zot i anpanss de sa mé mwin pèrsonèlman mi panss dann lo dé ka, sé in léshèk é pa in viktoir.

Alé ! Mi kite azot rofléshir la dsi é ni retrouv pli dvan, sipétadyé.

Justin