Médame zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami, demoune koméla i koné pa bandèz.La kaz nou téi di plito « baké » in sorte kivète an tol téi ansèrv pou la toilète.Astèr si mi rapèl bien Dr Raymond Vergès, in tan diréktèr la santé dann tan la koloni, l’avé konsèye bande mdame po fé zot toilète intime dann bandèz osinonsa baké.Sa lété bon pou la santé d’moune.

Mé oila,kréol sito di, sito fé, la majine in ranguène éranguène-la téi di bande garsson i gingn pa bril la paye avèk zot kopine pars zot la boir d’lo bandèz-olèr di sinploan lobouglé amouré konm in shien pou inn po d’patate. Vré, falk, mi koné pa mé lo kozman i kontinyé suiv son shomin ziska zordi, kroi ali, kroi pa li, mé rofléshi bien l’afèr.

Alé ! mi kite azot po zordi é ni rotrouv pli d’van. Sipétadyé.