Kosa lontan té i apèl lo bandèz ? Lété i di osi lo baké. Té in résipyan an tol, bann fèrblantyé té i fé, demoun téi lav lo pyé d’dan mé pa solman. I paré doktèr Vèrjès la fé in kanpagn pou bann madam pran lo bin dann baké. Si ni vé, in kanpagn pou l’ijyène é pou la propté. Arzout ankor téi mète bon fèye dann bin konmsa té i san bon épi lété bon pou lo sopin galman. Mé konm bann madam té i fé z’ot toilète partikilyé anndan in patoi la mète a kourir : pou fé maryé in jenn jan avèk in jenn fiy, lo bèl maman té i fé boir lo garson dolo bandèj. Sa sé inn krak biensir, mé kréol i kroi bonpé la kouyonad. Nou lé kon msa ! Mèm nou lé intélizan, ni kroi bonpé la kouyonis. L’o bandèj sé in pé in sigidi, in n’afèr pou aranz in moun. Alé ! zot I pran konm zot I vcé é moin moin la vann konm moin l’ashté. Ni artrouv pli d’van.