Oté

« Boir d’lo bandèz »

In kozman pou la rout

Justin / 3 octob 2019

JPEG - 43.6 ko

Mésyé, médam, la sosyété, kroir a moin sé kroir in kouyon-sé o pyé d’lo mir k’i oi lo mason. Mi pans pa si zot él in pé jenn, zot i ansouvien d’avoir vi in bandèz. In bandèz ? I di galman baké mé in pé di sa i apèl osi lav-la. Figir azot, in zour-mi vann konm moin l’ashté - l’avé in gran doktèr, karéman in savan, téi apèl Raymond Vergès bin li lété momandoné-dsou la koloni - lo shèf sèrvis la santé. Ébin konm tout médsin li té i ankouraz l’ijyène é an parmi la toilète intime : sa lé inportan sa ! mé koman fèr si ou la poin lo kourant é si ou la poin lo sho ? Na poinn solisyon sof lo bandèj é sé konmsa dann lé zané karant dann bann mézon l’’avé in l’instriman mé i fo dir nou kréol ni gingn détourn ninport ékèl lobjé. Bandèz i ansèrv pou la toilète intime bann fanm ? Ébin akoz pa fé boir bann garson likid-la, avèk la promèss amar bann jenn boug é pran azot pou mari. Lé vré, lé pa vré ? Mi koné pa ditou mé i mérite kant mèm rofléshi dsi la késtyon. Alé ! Ni artrouv pli d’van.sipétadyé !