Mézami Gasparin épi Brunet lété dë zom politik d’avan la guèr 1939-1945. Lé dê lété dann parti té kont inn é l’ote é souvan défoi lé dë téi rotrouv inn kont l’ote dann zélékssyon é sa téi dir dopi in bon kantité d’zané si tèlman ké zot l’opozission téi ansèrv pou rante dann vokabilèr kréol.

In sinp diskission épi demoune téi di : gasparin-brunet-gasparin-brunet, olèrk di patati-patata sansa ètsétéra-ètsétéra. In rom kina sé in Gasparin-Brunet : lo rom lé blan-Brunet té blan — é lo kina lé plito fonssé - Gasparin lété fonssé.

In tan apré l’avé Vèrgès-Virapoullé é Gasparin-Brunet néna lontan demoune téi anparl pi donk zot i vien pi pou anrishi la konvèrssassion.

Alé ! Mi kite azot rofléshi si i fo rodone la vi bande zékspréssion konmsa é ni artrouv pli d’van, sipétadyé.

Justin