Médame zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami dopi lontan, mi lir kozman-la épi shak foi mi lir ali, mwin lé a d’mandé si sé in mové plézan tri sansa si i pé aplik sa konm in aplik in provèrb. zordi ankor, mi anparl sa, mé finaldekont , mwin na poin in l’opinyon fondé dsi sak li vé dir.

Na inn-dé zour mwin té apré lir-lir in diksyonèr é kossa mi oi ? Mi oi kozman-la i vé dir « boir si wi vé mé pèrde pa lo kontrol dsu ou mèm » - donk oute self kontrol. Mé oila, mwin néna zistoman linpréssyon boir la poin in méyèr fasson pou fé dé shoz sansa dir dé shoz wi vé pa fèr ni dir dann oute léta normal.

Donk mon konklizyon kozman-la lé pa réalist dutou, pars si wi boir lo ronm, wi boir ossi léspri vu ké wi garde pa out self kontrol. An touléka sé konmsa ké mi panss é si zot lé pa oblijé panss lo mèm zafèr ké mwin, i anpèsh pa zot bien rofléshir ;

Ni artrouv pli d’van, sipétadyé.