Moin, mi pans sa in bon konsèy. Pou kosa ? Pars manjé épi boir sa i angaj pa in moun pou vréman sirtou si ou lé anarmi l’moun. Ou lé invité, ou i vien mé inn foi lo do lé tourné ou i doi pa pèrsone. Tout fason ou i mète pa ou dann danjé. Mé si ou la kozé, la pa mèm shoz ditou. Kalkil in pé si pou fé lo for, ou i déklar out forfé d’van l’moun I pé ariv aou move z’afèr. I paré in zour, dann in féstivité, in boug la pran la kolèr épi la di : « Si ou i vé taz amoin mi aranj aou konm moin l’aranj intèl. ». In tèl té rotrouvé mor in pé d’tan avan. La pa pass lontan avank zandarm i vien kapaye ali son kaz. Alé ! Mi kite azot rofléshi la dsi é ni artrouv pli d’van. Sipétadyé !