Médame, zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, mi panss zot i koné kossa i lé lo bagou ; zot i koné i pé di galman bone blag, zoli parol. Si zot i ékoute in shanté Michou, zot va antande : « li l’avé bonpé bagou, li l’amenn amwin partou, partou. ». Mé dann noute kozman lo bagou sé ankor lo bon kozeman é konm zot i koné lo bon kozman i pé tire aou dann in sityassion délikate. In pé va di wi sov la fass.d’ote va di, wi sov l’onèr é olèrk k’ète dann in sityassion d’féblèss, sé ou k’i ropran favère é wi lèss oute kontradiktère dann la jène. I di ossi lo bagou sé lo méyèr passpor é sa lé bien vré.

Alé ! mi kite azot rofléshi la dsi é ni rotrouv pli dvan. Siptadyé.