Shakinn rant nou syinba néna son kroiyans dsi la vi apré la mor, dsi nout l’avnir dann in dézyèm vi é pétète dann d’ot.An touléka, konm ni koné, mazinasyon d’moun i marsh plin tib dsi in késtyon konm moin la mark an-o la. Vré ,pa vré ?Ni koné pa.

An touléka la rolijyon lé la pou donn anou, pou donn son bann fidèl, in kroiyans…Mé konm zot i koné mon travaye amoin lé sinp :mi vé solman dégaj dann tout kozman in vérité pou la vi dann nout sosyété.Si zot lé dakor avèk moin, kozman nou la mark an-o la i vé dir sinploman shakinn i ofèr sak li pé ofèr, shakinn i donn sak li pé doné.

Domann pa Bondyé ofèr aou l’anfèr :sa lé kont natir sa pou li.Domann pa non pli lo dyab ofèr aou in paradi, donn aou in paradi :sa la pa dann son kord ... Lé sinp, lé klèr, lé nèt, é mi lèss azot lo tan pou rofléshi la dsi é ni artrouv pli d’van.Sipétadyé !