A bien rogardé késtyonn météo, nana in kantité sityasion konm la pli, konm solèy , konm lo van, konm lo tan kouvèr… Zot i konpran bien, moin na poin la plas pou mark tout sort kalité lo tan nana dann in zour, in somenn, in moi, inn ané. Mé nana in kékshoz mi èm, sé solèy – la pli, in sityasion in pé rant lé dé …

Pou moin-mé pétète mi tronp !-kan i di sak moin la mark an-o-la, i vé anparl in solèy-la pli avèk kant mèm in pti dégré d’ l’oraz dodan : sak i apèl osi moulin – mayi. Bondyé i batay avèk lo dyab é ni antann in roulmann galé dann syèl. Kisa i sava gagné ? La pli sansa solèy ? La pli i sava largé, sansa solèy i sava poiké ?

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir, ké, rant-rant, ni pé z’ète, tazantan dakor rantre nou.