A s’tèr pou anparl noute kozman, In bon travayèr va touzour trouv in bon manyèr pou fèr in bon travaye é li s’anplègn ar pa par raporte son zoutiy soidizan mové, mé lo mové travayèr va touzour fèr in mové travaye mèm si li néna bon zoutiye, mèm si i done ali bon matèryèl pou fèr la tash li néna pou fé.
Li va touzour di son zoutiye lé pa bon, é zamé d’la vi li va rokonète sé li mèm lé pa kapab fèr in bon travaye.

Bien antandi lo mové travayèr néna lo tan dovan li pou amélyor son travaye si li vé vréman a mwinss ké li désside kass travaye-la an paye si sé pou ou é pa pou li. Dann in ka konmsa konpran azot mèm kossa k’i fo fé.

Alé ! Mi kite azot rofléshir la dsi é ni retrouv pli dvan, sipétadyé.

Justin