Mézami problème voizinaz sa problème lé dir pou réglé. Souvan dé foi sa i rèss la, i agrav la, lo tan i pass é li lé la. I diré li dor sou la sande ziska k’in zour li pète an plin zour avèk touzour in mové rézilt. Pinèze morpin sé pinèze morpin.

Mé la pa avèk toute voizin ou néna problème, défoi wi antande avèk voizin konmsi sé frèr avèk sère – kouzin zèrmin konm i di dann kozman mwin la marke an-o la. La vi lé bèl, la famiye lé pli gran, é lokazyon fété i manke pa.

Alé ! Mi kite azot rofléshir la dsu é ni artrouv pli d’van. Sipétadyé.

Justin