Oté

« Bondyé i donn koko, mé li kass pa pou ou »

In kozman pou la rout

Justin / 30 désanm 2017

JPEG - 43.6 ko

Désèrtin i pans bann bone shoz lé rar dann la natir é mi pans zot na tor, la plipar d’tan. Pou kosa mi di sa ? Pars sanm pou moin, nou lé antouré avèk bon bon z’afèr é sé nou k’i gingn pa trapé pou profité. In zour moin la antann demoun apré s’plinn dann radyo pars l’avé poinn lo, mé la plui téi tonm an l’avalas. Sa i vé dir lo tiktak pou anserv so l’arivé d’lo téi mank. Poisson néna dan la mèr, mé i fo trapé pou manzé. Si ou i trap pa, ou i manz pa. Kozman moin la mark an o la, i vé pa dir d’ot shoz ké sa. Mi koné pa ozis kosa zot i anpans pars koméla i diré i fo tout z’afèr lé paré pou ansèrvir. Si i kroi d’moun, dozèf i doi z’ète kasé an avans ! Volaye i doi pi an avoir la plime ! Dolé i fo li lé kisoi dann karton kisoi dann boutèye ! Mi lèss azot rofléshi la dsi é ni artrouv pli d’van sipétadyé.