Mésyé, Médam, La sosyété, koz èk moin sé koz èk in kouyon-mé sé o pyé d’lo mir k’i oi lo mason. Ala in kozman moin la trouv dann liv Daniel honoré « somi lo mo ». Pou li sa sé in provèrb donk konm tout provèrb li néna son sans prop épi son san figiré-sans prop sé sak i di kan ou i rèss kolé avèk lo tèks, sans figiré sé in l’ansègnman ou i pé tiré pou ou mèm, sansa pou la sosyété. Astèr si ni lir lo kozman, ni antrovoi dé prinsip : inn shakinn i ofèr sak li gingn, l’ot sé shakinn i shoizi sak li vé kisoi mové kisoi bon. Si ou i vé lo bon, ou i sa rode lo bon an prinsip avèk Bondyé ! Si ou irode lo mové, ou i sava rode é i pé z’ète avèk lo Dyab. Sa i prouv ou néna in shoi, dizon in libèrté d’shoi pars i paré l’om lé lib dann son shoi, é konm li lé lib, li lé résponsab. Alé ! Mi kite azot rofléshi la dsi é ni artrouv pli d’van. Sipétadyé !