Mésyé, Médam, La sosyété koz èk moin sé koz èk in kouyon-sé o pyé d’lo mir k’i oi lo mason. Romark in pé i di lo kontrèr, i di Bondyé i dor. Alor alé konète la vérité pou vréman, alé konète kosa l’moun i pans pou vréman dsi la késtyonn zistis Bo ndyé… si ou i di lo kozman dann promyé sans, ou i vé dir néna in zistis konm i di imanant-dsi nout tète. Dann l’ot ka i di néna in zistis imanant mé i fonksyone pa konm k’i fo, an touléka konm désèrtin i yèmré li fonksyone. Solman mi pé dir azot, moin lé a d’mandé si la pèrsone i di sa i vé anparl Bondyé sansa i vé anparl lo Dyab pars sanm pou moin kozman-la sa lé kome in kri pou vanzé, pa pou pardoné. Astèr mi arète in kou pars moin lé pa kalifyé pou parl zafèr Bondyé é mi profèr lèss bann éspésyalis an parl sa. Alé ! Mi kite azot rofléshi la dsi é ni artrouv pli d’van. Sipétadyé !