Médam zé Mésyé, la sosyété, koz èk moin sé koz èk in kouyon, mé sé o pyé d’lo mir k’i oi lo vré mason. Mézami, mi pans zot i koné kozman-la, mé mi koné pa si zot i yèm ali. Moin pèrsonèl mi yèm pa. Néna in n’ot mi yèm pa non pli sé kan i di : « Bondyé i pini pa galé. ». Pou kosa ? Pars zot konm moin nou la aprann dann katéshis : Bondyé lé bon, infiniman bon ! Si i di sa, mi oi pa pou kosa li va pini. Li dor pa : sète-la mi konpran, mé li pini, sa sé in n’ot afèr. Astèr Bondyé sé in gran mistèr, pou moin, konm pou zot é demoun i anparl souvan dé foi.I danparl si tèlman k’i mète ali dann provèrb. La prèv, li rant bien dann nout kiltir épi sète tout bann pèp néna dsi la tèr. Alé ! Mi kite azot rofléshi la dsi é ni artrouv pli d’van. Sipétadyé.