Mézami mi pé of azot sak mwin néna, pa sak mwin na poin. Mi panss zot ossi zot i pé fé la même shoz. Finalman ni pé di sé konmsa lo monde i fonkssyone, konmsa é pa otroman. Alor ni aksèpe son loi.

Astèr mi domande si i pé pran in bon zafèr — lo paradi, an prinsip sa lé bon — pou shanj kont in mové zafèr, l’anfèr é i di sa lé pa bon. Mé par l’fète dopi k’ lo monde lé monde, lo dyab i pé pliss tante aou avèk sak li néna ké Bondyé avèk sak li néna pou éshanjé. Mi di azot sa rantre nou é la pa bézoin alé di partou.

La prèv sé lo dyab la tante lo promyé fanm avèk lo promyé om. Alor mi domande azot pou rofléshi la dsu é ni artrouv pli d’van. Sipétadyé.

Justin